Atuartut 21. august 2023 atuarlutik aallartipput. Sapaatip akunnerani sammisassaa uani assimi takuneqarsinnaapput. Sila qujanartumik iluatseqattaaratsigu, sammisaqarnitsinni silamiinniaraangatta siallertanani, taavalu atuarfimmi sammisaqaleraangatta siallertarluni. Atuartut ilinniartitsisullu aallartilluarput.
Ilinniartitsisut pikkorissarnerat
Avanersuup Atuarfiani ilinniartitsisut pikkorissarput. Atuartitsinermi aqutsineq taavalu piareersarnerit ingerlanneqarlutik. Sisamanngornermiit arfininngornermut 17.-19.august 2023 pikkorissarneq ingerlanneqarpoq.