Pingasunngornermi 20. august 2025, Norgemiit Bjørn Hesthamar, qajariani atuarfimmut tunissutigivaa.
Nassuiarpaa, nammineq qajaliortarluni, Avanersuarmiut qajaanik sananikuullunilu. Qajanik assigiinngitsunik sananikuullunilu. Kinngusaartarpoq, qajartornerlu assut nuannarigalugu.
Pingajussaat Qaanaamut tikeraarnikuuvoq. Ukioq manna sap.ak. 4 Qaanaamiit, Kangerlussuaq Qikertat, Kangerluarsuk, taavalu Uumannamut (Thule/Pituffimmut) qajartorluni. Nuugdlit eqqaani Nanorsuarmik angutiviamik tikeraarneqarsimallutik tupersimasukassaat. Qajartoqqileramillu iluliarsuit marluk akorloqqunniarlugit Nanorsuaq immami naluttoq saneqqussimallugu, taannagooq qununarnerugami. Qujanartumik susoqanngilarooq.
Qajariaq atuartunik atserneqarnissaa kissaativaa. Siunnersuutigineqarpoq “Bjørn”,”Nanoq”, atserneqarnissaa. Qajariaq atortussai tamaasa pigivai, annanniutit, atallaat masassinnaanngitsut. Imaarsaat, qajartuutit kamiusat.